السلام عليكم ورحمة الله وبركاته

انني الآن في المرحلة الثانوية توجيهي .. يعني ما باقي علينا الا بس شهرين تقريبا ونخلص ..

وامس عاد وزعوا علينا استمارة الجامعة .. واني لحد الآن متحيرة ما ادري شنو آخذ بالضبط ..

بس اني حاليا في بالي تخصص محاسبة وسالت عنه والكل يقول ليي صعب ..

وحبيت الحين اني اسالكم واشوف شنو رايكم .. وبعد عن الدكاتره اله يدرسون ..

وشنو تعتمد دراسة المحاسبة وهل هي اصعب من تخصص الاعمال المالية والمصرفية ؟؟؟

اي معلومات تعرفونها عن هالتخصصين قولوا ليي عنها ضروري

اي ونسيت اخبركم اني في تجاري ومعدلي التراكمي الآن 91.7 واحب مواد الفهم والمحاسبة


انتظر ردودكم

السلام عليكم ورحمه الله وبركاته

المعذرة اختي ،، تخصصي بعيد عن الاقسام التجارية ..


في أنتظار الاخوة و الاخوات لمساعدتك ..

وبالتوفيق ، ان شاء الله

أخي حزب الله :

أشكر لك مرورك الكريم على موضوعي..

واني للحين ما شفت احد رد عليي ..

محتاجتنكم ضروري

هلا اخت سيدتي البتول ...

اولا يمكن الرد يكون مب في وقته و جا متأخر ... بس توني شايف الموضوع لاني ما عندي وقت ادخل المنتدى واااجد

على العمووووم ... انا ادرس حاليا في جامعه البحرين تخصص اعمال ماليه و مصرفيه سنه ثانيه و كل الي اقدر اقوله لج ان التخصص مطلوب في سوق العمل ... و بشكل وااسع و كبير لان هالتخصص يعلمج شلووون تسويين control and manage the money و طريقه انشاء المشاريع ... و بالنسبه لمواد التخصص في مواد ال economy الي هي الاقتصاد و فيه الاكاونت ... و في المنيجمنت بالاضافه لمواااد ثانيه ( و اذا بغيتي معلومات زياده عن المواد تقدرين تزورين موقع الجامعه www.uob.bh و تشوووفين الخطط الدراسيه لكل تخصص ) .... اما بالنسبه للدكاتره ففي منهم الزين و في الشين

الدكاتره عندج بعضهم متحيز لكم انتوا يالبنات و بعضهم للطلاب ككل يعني مصلحه الطالب عنده فوق الكل ... و اعطييج امثله على دكاتره تمام عشان اذا دخلتي ان شاء الله تختارينهم و امثله حق دكاتره رايحه عليهم عشان لا تقربين صوووبهم خير شر و لا تشووفين رقعه وجهم ... الله لا يراوييج

الدكاتره التمام ... مثل :
1- جاسم حسين لماده المنيجمنت ( mgt 131 )
2- هيفاء عادل لماده المنيجمنت (mgt 131-mgt 230 )
3- بتول اسيري ( fin 210)
و ان شاء الله اذا دخلتي معانا بالجامعه راح اكمل لج اللسته ...

و عندج الدكاتره الي لا تقربين صوبهم ... مثل :
1- ابتهاج العالي ( هذي لا تقربين صوووبها خير شر لان اخس من الفنبله الموقوته و زفته مع الكل ... لا بنات عندها و لا شباب ... الكل عندها ياخذ يا d يا f )
2- عبدالوهاب الامين ( مع ان بروفيسوور بس ما يعرف كوعه من بوووعه على قولتنا . بس الزين الي فيه طيب و عراقي الاصل )
3- علي المنصوري تبع ماده الهيستوري ... هذا بعد رايحه عليه للاسف ...
و معظم الدكاتره في الجامعه تقدرين تقولين رايحه عليهم .
لا شرح تمام و لا اهتمام بالطلبه
على العموووووم ...
ان شاء الله قدرت افيدج بشي من هالمعلومات ....
و اذا تبغين اي معلومات ثانيه حاضرين
و كل التوفيق لج في حياتج الجامعيه

اخوووكم ...
m.a.h.m

السلام عليكم ورحمه الله وبركاته
اما بعد
اخي الكريم بعد ان اوحييك واحي كل من ردو عليك قبلي فيسرني ان اخبرك انه لايوجد علم صعب واي علم يدخله الانسان ويحبه يكون سهل عنده واما المحاسبه فهيا من العلوم الممتعه والتي تعتمد علي التتطبيق اكتر من الحفض اي الفهم وليس الحفض كالاداره متلا
وفي الختام يسرني ان انصحك بالتوجه الي دراسه علم المحاسبه والله الموفق
والسلام عليكم ورحمه الله

السلام عليكم و رحمه الله و بركاته ...

أنا معك أخي الكريم في أن لا يوجد علم صعب ... فبالممارسه و الجد يصبح كل شيئ سهلاً ... لكن مع أنظمه و قوانين جامعتنا تصعب علينا الدراسة ... أظن ليس هناك حاجه لذكر قوانين و القرارات التي تمت في الآونه الأخيره أعتمادها من قبل رئيسة الجامعه ... أنا كل هدفي أن في الجامعه نريد أن يوفر لنا الجو و المكان المناسب للدراسة . و أنت تشوف بعينك ... لا يوجد مكان بسبب أزياد الطلاب في كل فصل و زياده على ذلك عدم توفر الجو الدراسي للدراسة بالنسبة للطلاب ...

مع تمنياتي لك بالتوفيق

أخوك

M.A.H.M