السلام عليكم::

توني جديده في عالم المعهد....

اريد ان اعرف عن التخصص الي عاطيني وياه في المعهد ((نضم معلومات )) شنو رايكم فيه زين وله لا ..........

والمعهد دراسه اوكي ولا خرطي.........والله اني خايفه من المعهد...........
طلعت من الجامعه ..........وخايفه من المعهد يكون اخس من الجامعه..............
وابغي اعرف شنو يعني دبلوم وطنيه ........اني عاطيني دبلوم وطنيه واشوف ناس عاطينهم دبلوم الاولى .........مافهمت من شيء ياريت تفهموني.......

تحياتي

المشكله انا بعد جديد

FD الإدارة المكتبية

مدري من وين آخذ كتب ولا شي ولاشي ولاشي
ارجوكم فيدونااا

زين

هو علم الحاسوب وكيفية تصميم البرامج وكيفية عمل برامج جديدة

زين

احسن من الجامعه

يعني

دبلوم عليا

ارفع من الاولى

لان انتي عندش شهادة دبلوم عطوش دبلوم عليا

بس لو كنتي توش متخرجة من الثانوي

لعطوش دبلوم اولى

هلا
ياريت تفيدني اكثر عن هذا المجال واكون شاكره اليك.............

بس اني ماعندي دبلوم من الجامعه صج درست سنتين ونص بس كنت تخصص رياضيات يعني مافيه دبلوم..............

وللحين مافهمت ليش خاليني دبلوم وطنيه يعني كم سنه ادرس؟؟

مسامحه اذا طولت عليك بالاسئله.............


تحياتي

بااااااااااااااااااال محد رد علي ...............صج بخله...........

يالله عاد ردوا علي.........

تحياتي

السلام عليكم خيو .... اول شي بقول لك بالنسبة للمعهد تطمني .... لاني انا مثلك طلعت من المعهد ودرست بالمعهد ... والحمد لله مرتاح من دراستي ... والمعهد راح يفيدك بالجانب العملي .. اكثر من الجامعة ... الجامعة كلام على الفاضي .. بختصار المعهد زز يعطي المفيد ... في الجانب العملي الى يخص الشغل .. وهالشي بيفيدك لما تتوضفين انشاء الله ... ونشاء انشاء الله السنة راح اكمل النشنال دبلوما ND2 >> ونشاء الله راح اكمل للHND >>> لاني مرتاح كثير ...

بالنسبة لشنو الدبلوم الوطنة ... المعهد في 3 مستويا او 4 ....
المستوى الاول الحرفي ... هاي ماعرف شي عنه بس اهوا سنة وحدة على ما ضن ... وهاي قبل حتى الى مو مخلصين من الثانوي يقدرون يدخلون هالمجال
بالنسبة الدبلوم الاولى ... FD >>> هاي سنة وحدة ... بعدها راح يعطونك شهادة انك حصلتي ... شهادة الدبلوم الاولى

بالنسبة للدبلوم الوطينة .. وهاي الاهم ... اهي سنتين ND1 >>> سنة اولى و ND2 سنة ثانية .. بعدها .. راح تحصلين شهادتين .. وحدة من معهد البحرين .. ووحدة من بريطانيا .. تمنحها Edexcel .... وهالشهادة معترف بها في جامعات بره ... كثير بلدان ... الى جامعة البحرين للاسف ... الظاهر متهاوشين مع بعض ... بعد ماتخلصين ND2 >>> في 3 اشهر تدريب ... بعدين تقدرين تكملين مستوى اعلى ...

المستوى الى بعد HND >>> الدبلوم الوطينة العليا ... هاي بعد سنتين .. وهالشهادة قوية .. وشركات واجد تطلبها ... هم هاي سنتين ... HND 1 ,و HND2

واذا تبين اي استفسار ... كتبي ونشاء الله بجاوب عليه .. الاعضاء ما بقصرون ونا توني شايف الموضوع


نست اقول لك عن تخصص نظم المعلومات ... IT اهوا ممتاز .... ونا اصدقائي معظمهم سجلوا في هالتخصص ... لانه مطلوب ... فرتاحي ... ونشاء الله تتوفقين بدراستك ... وحمدي ربك انه الله فكك من الجامعة .. عذاب

مشكور اخوي StuNNinG MaN

وأنا بعد كنت انتظر يفيدنا بهذي المعلومات القيمة ..

شكراً مرة ثانية .. وبالتوفيق ..

بزيد شوي على كلام اخوي ستتينج مان
اذا انتين جايه من جامعه يرفعونج سنه وتقدرين تعادلين بعض المواد من جدي مرفعينش سنه






انطر اخوي على شنو مستعجل خله يبدي المعهد بعدين روح قسم الكوبي سنتر قريب من البراده واشتر كتب من هناك

مشكور اخوي على الشرح الوافي .........اني الصراحه الحين فهمت كل شيء ..........

كنت خايفه من التخصص بس الحمد لله ...........بعد كلامكم ان شاء الله كل شيء يكون سهل ............

واذا صار عندي اي شيء واي استفسار بجي اليك اوكي...............

تحياتي

مشكور اخوي على الرد والاهتمام .......

يسلموووا...........الله يعطيك العافيه.........
تحياتي

السلام عليكم اخوي ياسر .. اول شي مبروك القبول بالمعهد .. والله يووفقك .. انت و و اتعرف بعد من انشاء الله اثنيناتكم في قروب واحد ... والله يوفق كل الى انقبلوا بالمعهد دفعة 2006 ... يالله عاد ياسر نبي هالقسم يكنسل على منتدى.. شاكر سلماباد .. نبي نشوف فيه حركة اكثر ههههه لا يزعل شاكر نمزح

بس حبيت اضيف شغلة عن الى قلته ... خصوصآ تخصص نظم المعلومات ... وحتى البزنز مثل محاسبة ادارة اعمال وتسويق و وو ... يعني لما تخلصون دبلوم من المعهد .. وتكملون للهاي نشنال دبلوما ... بعد تقدرون تكملون .. اذا تحبون تاخدون BS مستقبلآ ... جامعات خاصة كثيرة بالبحرين ... تقدم برامج BS للي يبي يكمل ... او حتى جامعات بره ... في بلدان كثيرة وبالاخص بريطانيا ...

بعد في شغلة ... يمكن انكم سمعوا كلام كثير عن المعهد ... طبعآ كلام سلبي ... الى يقول المعهد مو زين .. والي يقول المعهد شهادته مو معترف فيها ... والى يقول الادراة فاشلة والي قول وقول .. يعني الى يسمع هالكلام يدخ ... ونا اقول هالكلام .. لانه في بعض الطلبة خايفين من الدراسة بالمعهد ... و و و ومن ظمنهم الى كتبت الموضوع ... سحر القمر

كل مكان فيه مشاكل ... حتى جامعة البحرين فيها مشاكل ... ويمكن اكثر من المعهد بكثير ... زين الى يقول ادارة المعهد فاشلة .. ودارة الجامعة ... شنو تطلع ؟؟ القرارات .. الى كل يوم يطلعونها .. والى خلت الطبلة تنحاش من جامعة البحرين ... بعض الناس تقط اللوم على الطلبة ... ما يذاكرون وغيرة .. سواء في المعهد او في الجامعة ... الفرق بين الجامعة والمعهد انه الجامعة مدعومة من جهه عليا ... يعني حتى الجرايد ما تقدر تكتب عن مشاكل الجامعة وغيرة .. مدعومة بشكل كامل .. وبالنسبة للدراسة بين المعهد والجامعة ... يمكن في فرق بالتعقيد .. والمقررات الطويلة ... والكلام الى ماله لزمة ... بقول لكم شي ... صديق الي .. تخرج من الجامعة دبلوم ... راح قدم على وضيفة في شركة ... عاد معاه في المقابلة .. بعد طالب متخرج من المعهد ... المسئول قام يسئلهم اشياء وشياء عن التخصص ... هاي صديقي .. كلمني ... عن هالمضوع ... يقول لي ... تصدق طلع الى من المعهد احسن مني ... كل شي يجاوب ... وكا صديقي قرر يدخل المعهد وكمل HND >> والحمد لله قبلوه ... بس الحين في هالحالة الي صارت .. صاحب العمل .. تتوقعون ... بيختار من فيهم .. الى بفيد الشركة ... يعني فكرة شهادة المعهد مو قوية .. ومو معترف فيها .. ومادري شنو شيلوها عن بالكم احسن .. لانه كلام فاضي

المعهد بالعكس .. قاعد يطور .. خصوصآ هالفترة .. الى تغيرت فيها الادرة .. وعينوا فيها المدير الجديد حميد صالح .. اشاء كثيرة تغيرة .. كوادر رجعت ... كانت مستقيلة قبل ... الميزانة .. مباني جديدة .. وعلاقت المعهد مع الشركات بدات تكبر ... والحين الخبر .. الى قريناه قبل فترة .. انه ولي العهد بزور المعهد .. قرريب .. يعني اذا طلع صدق .. بكون مكسب كبير .. لانه اكيد و 100% بعد هالزيارة ... بيعقبها تطوير اكبر .. ودعم اكبر ...

يعني بختصار .. لاتخافون من شي ... ولا من الكلام الى ينقال .. اهم شي دراستكم ... ونتايجكم ...

وبالتوفيق

هلا

مشكور اخوي StuNNinG MaN........على هذا الكلام .........وان شاء الله نتفوق في المعهد ..........وعن الخوف اني الصراحه وايد مخوفيني من المعهد يقولون الي مو زين وبضيعين سنتين من عمرج في هرار .........ويقولون دراستهم هرار ومامنها فايده............يقولون الي بيتركون الي متخرجين من الجامعه وبوظفونكم انتوا مال المعهد.................وله اادري يقوولون الي ردي ارجع الجامعه حتى لو تخصص ماتبغينه بس شهاده معترف ابها............بس اني ماابغي ارجع الى الجامعه لاعت جبدي واني فيها ودكاترتهم زفت وله يعرفون يشرحون عدل وتخصص مو عاجبني وله ابغيه.............

بس اني دخلت المعهد من اقتناعي ورغبتي وان شاء الله احقق النجاح والتفوق........

تحياتي