السلام عليكم ورحمة الله وبركاته ،،

كيف حالكم جميعاً ؟

اود الاستفسار أولاً والتعجب ثانياً ؟!


جدولي الجامعي !!!

لم يقم قسم التسجيل بتغييره على غرار الدوام الجديد !!
فضلاً عن ذلك حشوا ليي خمس مواد في UT فقط ... دوب باقي الأيام ..
والحسبة مخربطة عندي حتى الجدول مو فاهمتنه عدل ومو قادرة ارتب افكاري فيه !
مع ان بعض الصديقات جداولهم تغيرت حسب النظام الجديد !!!!!

وعلى ذلك كله ..اتعجب !!!!!
نعم .. أتعجب كل العجب من قسم التسجيل الذي يداهمنا دائما بإضافة مواد ليست موجودة في خطتنا الدراسية نهائياً !!!
وقد حدث هذا للمرة الثانية على التوالي !!
تضاف إلينا مواد جديدة من الخطة الدراسية القديمة التابعة للسنوات السابقة .. والتي لاتحتويها الخطة الدراسية الجديدة التي نسير عليها .. والنتيجة >> تروح علينا ساعات اذا كنا ما انتبهنا .. والحمد لله لو ماكنا منتبهين للسالفة انجان راحت علينا ساعات من قبل!!

ويش اسوي في سالفة الجدول اذا ما تغيروهل في احد جدي ما تغير له ؟؟؟ و ضروري اروح الجامة يعني وابتلش ؟!
وسالفة المواد .. في احد سووا له هالحركة سواء كان في اي قسم من الاقسام ؟!!


والله العظيم اتمللت وزهقت من الجامعة


مع السلامة .

الله يساعدكم إن شاء الله

يعني حالنا أحسن من حالكم؟!
احنا بعد انعاني من هالبلاوي إلي يطلعون به كل يوم

عاد يحطون مقررات مو في التخصص؟! وخمس مواد في يومين
لا وبعد في الفصل إلي يصادف فيه شهر رمضان

لا .. و ياخذون الناس كلها من الثانوي وافلتونهم في تخصص واحد اسمه "تطبيقي"، ويطلع ليي فرعون يقول الطلبة لا يعرفون ما يرفضون.

شلون يعني ما يعرفون ما يرفضون، طالب معدله فوق 95 علمي ينفلت في التطبيقي بدبلوم مشارك وهو مو موجود في قائمة رغباته؟! وتعال شوف التصريح ذاك إله يقول سنخبص أيامكم لكي تتدهدهوا تدهدهاً وتفشلوا وترسبوا وتقعدوا في بيوتكم ولا تفكروا تدخلوا سوق العمل .. انسوي ليكم أيام حلوة ونضبط السيستم في الجامعة .. إلي يوم بعد يوم قاعدة تصير أخس وأطعس

مالت عليهم وعلى وجههم

ومسامحة ترى عصبت شوي هذا مو واجد ترى

وعليكم السلام ورحمة الله وبركاته ،،

الحمدلله بخير ...


يعني زين هذا عندكم الخطة الدراسية الجديدة .. والله چان تروح عليكم ..

والله يا أختي كل الطلبة في هالجامعة صايرين في الهوى سوى ..
بس انزين اختي شوفي ما يتمحون المواد من عندش من موقع الجامعة ..!
ولكن ,, أحسن حل يا أختي انكم تروحون الجامعة وتتأكدون وتضبطون أموركم .. >> لا أمان لأهل الكوفه

الله يساعدكم أختي .. ويساعد كل الطلبة إن شاء الله

السلام عليكم ورحمة الله وبركاته ،،

اقتباس(العُبد @ Sep 4 2006, 01:51 PM) [snapback]208270[/snapback]

الله يساعدكم إن شاء الله
يعني حالنا أحسن من حالكم؟!
احنا بعد انعاني من هالبلاوي إلي يطلعون به كل يوم
عاد يحطون مقررات مو في التخصص؟! وخمس مواد في يومين
لا وبعد في الفصل إلي يصادف فيه شهر رمضان
لا .. و ياخذون الناس كلها من الثانوي وافلتونهم في تخصص واحد اسمه "تطبيقي"، ويطلع ليي فرعون يقول الطلبة لا يعرفون ما يرفضون.
شلون يعني ما يعرفون ما يرفضون، طالب معدله فوق 95 علمي ينفلت في التطبيقي بدبلوم مشارك وهو مو موجود في قائمة رغباته؟! وتعال شوف التصريح ذاك إله يقول سنخبص أيامكم لكي تتدهدهوا تدهدهاً وتفشلوا وترسبوا وتقعدوا في بيوتكم ولا تفكروا تدخلوا سوق العمل .. انسوي ليكم أيام حلوة ونضبط السيستم في الجامعة .. إلي يوم بعد يوم قاعدة تصير أخس وأطعس
مالت عليهم وعلى وجههم
ومسامحة ترى عصبت شوي هذا مو واجد ترى

شكراً لك اخي ( العُبد ) ،،
صحيح ربما حالكم أفضل بكثير من حالنا !!
يعني جدولكم عادي ومضبط على الدوام الجديد !!!! ........... و اني ؟!!
بصراحة الجامعة صارت لا تطاق و مهزلة × مهزلة وهذا الشيء يصرحون به الدكاترة نفسهم ..
ويش الواحد يقول لكن ؟؟!!!
والهدف من كل هذا مثل ما قلتون .. هو ان الطالب وان كان جيداً لايفكر بالالتحاق بها .. بل يكفر في الدراسة بالخارج او الجامعات الخاصة اللي تعمل لحستابهم فقط .. وتبلع اموال الأوادم !!!

مالت عليهم حراب جهنم ان شاء الله
وبالعكس ما في اي عصبية >> مو الكل معتاد عليها والكل موجودة فيه ..

اقتباس(حسن مشيمع @ Sep 4 2006, 02:08 PM) [snapback]208275[/snapback]

وعليكم السلام ورحمة الله وبركاته ،،
الحمدلله بخير ...
يعني زين هذا عندكم الخطة الدراسية الجديدة .. والله چان تروح عليكم ..
والله يا أختي كل الطلبة في هالجامعة صايرين في الهوى سوى ..
بس انزين اختي شوفي ما يتمحون المواد من عندش من موقع الجامعة ..!
ولكن ,, أحسن حل يا أختي انكم تروحون الجامعة وتتأكدون وتضبطون أموركم .. >> لا أمان لأهل الكوفه
الله يساعدكم أختي .. ويساعد كل الطلبة إن شاء الله

بصراحة ويش اقول ؟؟؟!!
يعني الخطة اصلاً لو ماناخذها انضيع ..
هم اكيد ينمسحون اخي ( حسن مشيمع ) في فترة الحذف والاضافة ..
لكن الخربطة الي صايرة عندنا في القسم ما ليها حل ؟!! فضلاً عن هذا موقع الجامعة واحد وعليه اكثر من 120.000 طالب طيلة ايام الحذف والاضافة اشلون بنفتح هذا ؟؟؟؟ واحنا حتى كتيب جدول المواد ما عندنا السنة استخسروا يبعونة متحججين بالميزانية وكل هالبوق ما ادري وين تروح فلوسه...
ومن جهة ثانية ..اذا اني حالياً جدولي ما اعرف ويش هو .. لان ما تغير بالنظام الجديد ..
فويش عرفني الحن اني .. خمس مواد محشوين في يومين في UT
وأساساً مو على النظام الجديد .. اشلوووون ؟؟؟ والمصيبة ان هم حاطينهم ليي بمنطق لا يعقل ..
يعني : خمس مواد في UT ومن المعروف ان في UT مدة المحاضرة ساعة وربع !!!
اشلون حاطينهم ليي جدي وأوقاتي متواصلة من الساعة 9 الصبح الى 1 ظهراً ..
مو المفروض اخلص قريب نهاية الدوام !!!! >> يعني حسابياً وزمنياً ومنطقياً واسيتعابياً مو عدل !!!


............ لا تعليق ، والله ينتقم منهم بجاه عزيز مقتدر ..

يعني كل واحد عنده همه ههههههههههه

جدولي ما في يوم الخميس .. حتى ان عندي (لاب) بس يوم الخميس فأضطريت ارجع الى الجدول الدراسي و اشوف الماده و اني في اي سكشن على اساس اتاكد من الماده امنزلينها الي في اي وقت ..

انزين اختي عن جدولش حاولي اتسوين (ربليس) للمواد .. انقلي الى سكاشن ثانيه في الاس ام دبليو

و المواد الي مو في الخطة احذفيهم و حاولي اضيفين غيرهم و اذا ما فاد يعني لازم اتروحين الجامعه علشان اتسوين ربليس الش في اي سكشن

ويش انسوي بعد .. ما الينا الا جدي

عزيزتي ( اليمامة ) ..
اني مو ما ادري ان يسون هالعمليات ... بس قاعده استفسر عن هذا الامر .. وهالحركة صارت ليي مرتين مثل ما قلت ليكم وتعذبت في سوايا الجدول عذاب الذين كفروا !! .. والتسجيل لازالوا يغلطون .. والله العالم متى راح ينتبهون لغلطتهم !!!
يعني في مادة ضافوها حقنا الفصل اللي طاف !! ونفس الشي مو موجودة عندنا !!
وسوينا حذف وضفنا وغيرنا .. لكن عقب ما طلعت روحنا ..فويش الهدف من هذا الامر اذا كانوا يعلمون بان دفعتنا تدرس على الخطة الجديدة مو القديمة .. تعذيب يعني ؟؟؟!! وبصراحة احس ان ما في غير هالتفسير بعد !!

انزين .. وسالفة انهم مو مبدلين على التوقيت الجديد ..اشلون اسوي كل هذا واني ما ادري ويش جدولي لانه مخربط اكثر من اللازم ..يعني بكل اختصار جدولي غامض !! .. يعني يبي له تعديل من اول وجديد..
وهالعملية ما تستوي بسهولة لان اولاً واخيراً تخصصنا ما فيه غير سكشن واحد لكل مادة يعني لامفر في اي مكان
واذا ما حصلتين مقاعد مصيرش وين بكون .. على جدولهم طبعاً !!!! وبالتالي ما تقدرين تواصلين لان كل شي متعارض !!!

وعليكم السلام ورحمة الله وبركاته ،،

والله يا أختي صايرة مأساتكم عويصه .!!
مو بس انتون .. خب ألحين يمكن أغلب الطلاب صايدتنهم نفس المشكله !!
بس المشكله اللي عندكم ان نفس ما قلتين ان تخصصكم ما فيه الا سكشن واحد للماده .!! واهني مربط الفرس .!!

وعليكم السلام ورحمة الله وبركاته ...



الله يساعدكم اختي ( زهرة البنفسج ) .. ويساعد جميع الطلبة والطالبات !! مو غريب عليهم مثل هالامور !!

العجيب !! لو لم ينتبه الطالب للماده المضافة في جدوله على انها غير موجوده في خطته الدراسيه ! في الاخير راح يقع عليه اللوم !! عجيب !

بالنسبة الى الاوقات . .. فأعذريهم يا اختي توهم راجعين من الاجازه ( مع ان موظفي التسجيل مداومين من قبل ) .. ما لحقوا يعدلون جداول الطلبة !


هذه هي جامعه البحرين ... ما فيه يا اختي غير الصبر .. وان شاء الله الايام راح تمضي وتفتكون منها .



واما بالنسبى الفرعون كما ذكره الاخ العزيز ( العُبد ) ... فهو فعلا كذلك .. سابقا كان رئيس كلية الهندسة الكهربائية ! ورائحته الطائفين النته منتشره في القسم ! و عليه نقاط كثيره عليه حتى مع الدكاتره !!

فهل من مبرر يا اخواني ان يصدر قرار فصل دكتور هو من افضل دكاتره القسم رغم التقييم الممتاز من قِبل الطلبه ؟ هناك تفاصيل طويله !! اذا ما اردنا كتابتها حول هذا الفرعون ! فضلا عن فصل احد موظفي كلية هندسة الكمبيوتر لاسباب طائفيه ناتجه عن تكتلات حزبيه !!!!!

صحيح عويصة بل اكثر من عويصة.. وهذا اللي يضايق ..
يعني لو انطعنت من دكتور قبلي لازم انطعن فيه عدة مرات .. والمشكلة انهم يحصرون المواد لبعض الدكاترة بحيث ما يدرسها غيرهم مالت عليهم وعلى شرحهم البطيخي عاد .. نعتمد على نفسنا في كل الاوقات ..
الله المعين ..

اقتباس(حزب الله @ Sep 5 2006, 02:08 AM) [snapback]208368[/snapback]

الله يساعدكم اختي ( زهرة البنفسج ) .. ويساعد جميع الطلبة والطالبات !! مو غريب عليهم مثل هالامور !!
العجيب !! لو لم ينتبه الطالب للماده المضافة في جدوله على انها غير موجوده في خطته الدراسيه ! في الاخير راح يقع عليه اللوم !! عجيب !

الله يساعد الجميع اخي ( حزب الله ) ..
هو فضلاً عن وقوع اللوم عليه راح تصيده مصيبة ضياع الساعات ..
فإذا كانت ادارة التسجيل تخطأ ائماً الطالب اولاً وأخيراً هوالضحية ..

اقتباس

بالنسبة الى الاوقات . .. فأعذريهم يا اختي توهم راجعين من الاجازه ( مع ان موظفي التسجيل مداومين من قبل ) .. ما لحقوا يعدلون جداول الطلبة !
هذه هي جامعه البحرين ... ما فيه يا اختي غير الصبر .. وان شاء الله الايام راح تمضي وتفتكون منها .

اشلون اعذرهم وهم ذابحينا ..
وهو ويش يسوون اساساً .. شغلهم اكثر شي ما يكون الا في ايام التسجيل وفترة الانسحاب لا غير
اما في كل الاوقات قاعدين عطالية بطالية ..

ما في الا الصبر .. ان شاء الله نفتك لكن عقب ما نتحلل وياهم ..احس روحي ما بتخرج الا واني يبي ليي علاج نفسي

اقتباس

واما بالنسبى الفرعون كما ذكره الاخ العزيز ( العُبد ) ... فهو فعلا كذلك .. سابقا كان رئيس كلية الهندسة الكهربائية ! ورائحته الطائفين النته منتشره في القسم ! و عليه نقاط كثيره عليه حتى مع الدكاتره !!
فهل من مبرر يا اخواني ان يصدر قرار فصل دكتور هو من افضل دكاتره القسم رغم التقييم الممتاز من قِبل الطلبه ؟ هناك تفاصيل طويله !! اذا ما اردنا كتابتها حول هذا الفرعون ! فضلا عن فصل احد موظفي كلية هندسة الكمبيوتر لاسباب طائفيه ناتجه عن تكتلات حزبيه !!!!!

لا استغرب من هذا الامر أبداً ..
فنحن في جامعة العجائب والغرائب .. جامعتنا العزيزة >> جامعة البحرين !!!! <<

عزيزتي زهرة البنفسج حتى لو بتروحون بيقولون لش سكاشن فول حتى لو في مجال ما يتعبون روحهم حتى يطالعون اذا في مجال او لا.....
الله يعينش ويعين كل طلاب الجامعة....

الشكوى لله....

نعم عزيزتي فهذا ما اعتدنا عليه منهم !!!
الله يساعد الجميع ..

في امان الله ..

الله يساعدكم

هالجامعه الي داخلنها مفقود والي طالع منها ههههههههههههه بعد مفقووود

اني شاب رااسي وتكسرت من هالجامعه

ولايندرى متى بنتخرج

ههههههههههههههههههههههه لا تعليق مثل الحال