مساكين الله يعينكم
بس بقول لش شي الغلط منكم المفروض ما تسكتون .. يعني احنه مدرستنه او بالاحرى حتى صفنه
حده فوضى الي تلعب و الي نايمة و الي تسولف و الي تاكل هايي الكورس الاول في السكر
لانه يعتمد على الشرح
اما اذا تتلاعب في درجات و ما ادري شنو لا تسكتون خلي ولي امرش سيده يروح عند المشرفة يتصرف احنه الكورس الاول سوينه جدي

و ثانيا هاي الكورس عمك تدرسنه مصرية تلبي شوي مصري شوي كويتي شوي بحريني و لعب في حصتها و لا نفهم شي لكن شنوسي لو اشتكينه الادارة سيده بتقول منه احنه لانهى صفنه مشهور على قولتهم
اما عنكم نصيحة اشتكوا عليها يعني السكر سهلل حرام ما تجيبون فيه في 80 او 90
اني خذيت يفه في 80 و متحسفة حده سهل و يرفع المجموع

الله يساعدكم على مابلاكم


اشتكو عليها بالأدارة واذا مو صار عندكم شيء هددوهم انكم بتشتكون عليهم عند الوزارة

نورالأكرف

السلام عليكم ورحمة الله وبركاته ..


.:. أختي العزيزة بنوتة الاستقلال .:.

الحل الامثل لكم ..
هو الصبر والهدوء في الفصل لكي تتعاون معكم الاستاذة في وضع الدرحات .
هناك الكثير من المدرسين والمدرسات لا يعرفون كيفية الشرح وتوصيل المعلومة , فعلى الطلبة السؤال وطلب المساعدة من مدرسين آخرين وان اضطر الامر للدخول الى المعهد .
لا اعتقد بأن الذهاب الى المديرة تستطيع ان تحل ازمتكم , لان الخلل في توظيف هؤلاء المدرسين الغير أكفاء .


ونتمنى لكم التوفيق ..

السلام عليكم...




بل الله يساعدكم عليها اختي


احنا ذاك الكورس كانت في السفر معلمة عجمية تقريباً مثل الأشياء الا قلتيها عن معلمتكم في المنتصف الكل زفت محد سوا فيه اوكي الا القليل


تخيلي من 3 صفوف بس طالبة الا جابت 20 من 20



اشياء تشرحها واشياء تطوفها على كيفها والدرجات الا لعبت فيهم لعب


يوم رحنا نشتكي عليها عطونا الأذون الصمخة ولا كأنهم يسمعون حتى



وغير وغير وغير المعلمات الا تشرح والا مريحة روحها على الآخر والا والا وفي الأخير يقولون لنا احنا مانهتم واحنا واحنا



آنه هذا الكورس في مقرر العرب تدرسنا معلمة تفرق بين الطالبات لكن ياريت تعرف تفرق .....

تدخل الصف اول ماتحط عينها على طالبة معروفة في الصف(...) تدرون ليش لأن كانت اللعام مدرستها

وبعدين بعد جم يوم اكتشفت ان طالبة غير تعبيرها حلو فقامت ماتتكلم الا مع هذي الطالبة وتقدرون تقولون انها نست ذيك الطالبة فمن تدخل كل يوم هذي سالفتها بس ي فلانه قومي تقومها اول وحدة في الصف ماتطلع المعلمة من الصف الا مقومتها ولا الف مرة والمشكلة انها تركز بس على مجموعة ذيك الطالبة لكن المجموعات الباقية ولا كأنهم موجودين في الصف حتى ... اذا نشارك ماتعطينا وجه ولا كأن موجودين في الصف وجودنا و عدمه واحد .. آنه وحدة مااقدر اسكت يرتفع لي الضغط والحرارة اذا اشوف معلمة جذي وخصوصاً اذا كل يوم نحضر الدرس ونتعب .فذاك اليوم قالت لنا حضروا هذي القصيدة حتى بقوم وحدة منكم تشرحها آنه قمت قلت لها ليش نحضر ونتعب روحنا في الأخير تقومين طالبة وحدة ومعروفة يعني مايحتاج نتعب روحنا نقعد نحضر ع الفاضي سوت روحها معصبة ولا تعطيني وجه بس على قلت لها هذا الكلام الا بعد ماتخلص الحصة بشوي الا مناديتني تقول لي انتي اليوم جم مرة قومتج آنه مت من الضحك يوم قالت لي جذي أقول لها مااتذكر يمكن 4 مرات أو اكثر ماادري نسيت من كثر ماتقوميني الا تقول لي قولي الصج جم مرة قومتج اليوم وهي مصرة على انها مقومتني أقول اليها هذا الأسبوع كامل ماقومتني أصلاً الا تقول لي متأكدة وقامت تلبي وتلبي ماعطيتها وجه طق الجرس دخلت الصف الا يوم ثاني اول مادخلت بتبتدي في الشرح آنه حتى مارفعت ايدي الا هي مقومتني حتى قمت اجاوب وآنه قاعدة اضحك لكن من قومتني من ذاك اليوم ماقمت مرة ثانية ( عادت حليمة الى عادتها القديمة ) كل يوم سالفتنا جذي معاها


الله يستر بس



سوري وايد تكلمت...

لكن شاسوي ابي اطلع حرتي موقادرة اسكت ولا عرفة شاسوي مع هالمعلمة