تعرض أحد طلبة جامعة البحرين لإغماء مفاجئ في قاعة التسجيل بالصالة الرياضية في الصخير أثناء قيامه بإنهاء عملية الحذف والإضافة أمس، فيما عزت مصادر ذلك إلى تعرضه للإرهاق بسبب الأعداد الكبيرة من الطلبة المسجلين أمس قياسا إلى حجم القاعة التي تجري فيها عملية التسجيل.

وتشير التفاصيل، بحسب ما ذكره بيان الجامعة، إلى أن الطالب حسن الفردان - سنة ثالثة تخصص إدارة الأعمال - أصيب صباح أمس السبت بالإعياء والإغماء المفاجئ. وعلى إثر ذلك توجه موظفو الأمن والسلامة وشعبة الخدمات الطلابية بالجامعة إلى مكان الإصابة بسرعة لإجراء الإسعافات الأولية، لحين وصول سيارة الإسعاف ونقل المريض إلى مستشفى السلمانية الطبي لأخذ الاحتياطات الطبية اللازمة. وأكدت الجامعة أنها اطمأنت على تعافي صحة الطالب، مشيرة إلى أن السبب يعود للإرهاق وليس عارضا صحيا بحسب قول المسعفين. ومن جهتها، انتقدت مصادر طلابية صغر حجم القاعة المخصصة للتسجيل مقارنة بالأعداد الكبيرة المتزايدة من الطلبة مؤكدة أنها باتت لا تتناسب وأعداد الطلبة. وقالت المصادر ان الحاجة ملحة لأن تفكر الجامعة في أماكن أخرى قادرة على استيعاب أعداد الطلبة بما يضمن سلامتهم.


المصدر: جريدة أخبار الخليج
5 / 2 / 2006 م

إغماء !!

الله يعين الجميع ..

السلام عليكم ..




هذا بسبب التخطيط الفاشل لجامعه البحرين !! فاشلون لمساحه صغيره راح تستوعب كل طلبتها ! خصوصا بعد ما نقلوا كليه العلوم للصخير ؟؟ !

فأكيد التسجيل في المدينه ما فيه أحد ! والاماكن فاضية !! فلو خصصوا لطلبه الهندسة والعلوم في المدينه لكان الحال أفضل !

إن شاء الله ..




وعليكم السلام ورحمة الله وبركاته ..

ايه أفضل نوعاً ما ..
لكن تشوف بعد ان مبنى التسجيل في المدينة ما يشيل شي .. يدوبه على الهندسة ..
الحل انهم يوسعون مبنى التسجيل ..!! أو يبنون مبنى غيره .

الله يعينكم ويعيننا..

بالنسبة لل"التخطيط الفاشل"----> عندنا وعندكم خير...

السلام عليكم ..



اليوم انا الا بغى يصيدني اغماء من التسجيل ..!!

طلع التسجيل في الصالة 12 وانا ما ادري لكن بعد في لود واجد على الموظفين



الله يزيد ويبارك ....

والله مب حاله

الله يكون بعونه ولا يشوف شر

الصراحة تنظيم فاشل بالمرة ..

الا زحمة وحر وضيق والمساحة كلش ضيقة وكل واحد يضرب في الثاني اذا بغى يمشي

يعني اليوم من الصبح رايحة رازة ويهي من الفجر حتى اكمل

وماكملت الا الساعه 1 ؟؟؟!!!


لا وبعد مادفعت .. فقط حذفت مادة واحدة ..


مشكور خيو على نقل الخبر

تحياتي

هذا حال الجامعة .. صار شي طبيعي
حتى أنا ما صارت الساعة 7 إلا هناك .. وخلصت الساعة 11

الله كريم ..


العفو أختي ..

خخخخخخخخخخخخخخخخخخ

الله يعينكم على هالجامعة ...

هذي يسمونها جامعة ؟؟؟

جامعة البحرين .. هذا الإسم واجد كبييييييييير عليها ....

كل شيء متوقع .. حتى الموت .. مو بس الاغماء

بس بسألكم !!! اشلون تخلصون من وقت ...

QUOTE

حتى أنا ما صارت الساعة 7 إلا هناك .. وخلصت الساعة 11 

اني اذا اروح هالوقت ما اخلص الا اربع .. هذا اذا خلصت وما اضطريت اروح يوم ثاني ..
من جدي الحين تأدبت ما اروح

تشكر اخي العزيز ( حسن مشيمع ) والله يكافينا واياكم والجميع الشر ..

انزين إله عنده باسوورد ما يحتاج إلف ودور عنده النت يحذف واضيف على كيفه، لكن احنا إله أول سنة ما عطونا باسوورد، مو بس إغماء حتى سكتة قلبية ايجوز..

مو اهني المشكلة، الله يسلمكم المشكلة ما دشيت الموقع اليوم إله هم مكنسلين سكاشن ويش قد، أقول راحت علينا.. بنخيس 7 سنين في الجامعة.. إذا هذه حالتهم

شكراً على الموضوع
الله يحفظكم

بعد ويش انسوي واسطات

المشكلة يعني انا چان باخلص من وكت .. بس صادتني سالفة طويلة .. بدلت الجدول 4 مرات لين ما ضبط ويايي



العفو أختي ...




ايه لو عندنه باسوورد چان مفتكين شوي ..
رحنا اليهم الفصل الأول قالوا الينا ما في حق سنة أولى ..!! دونه يعني

الله كريم .. والله يهديهم إن شاء الله ..


العفو أخي ...

ما شاء الله .. وهذا متأخر بعد تعتبره ؟!! ..
اني لبعد تسجيلنا وتسجيلكم قاعده اغير فيه وللحين ما رحت الجامعة اخذت الجدول
بكرة آخر شي لجميع الدفعات .. يمكن اروح او اخليه لاول يوم ..
لان اول مرة اسويها اظل للحين
الله لينا .. فهو الواسطة الكبرى سبحانه ..

QUOTE

ايه لو عندنه باسوورد چان مفتكين شوي ..
رحنا اليهم الفصل الأول قالوا الينا ما في حق سنة أولى ..!! دونه يعني 

الله كريم .. والله يهديهم إن شاء الله ..

الله يساعدكم .. بس تعرفون لازم الجامعة تراعي راحة الطالب له ..
فأول المشوار بهدله وبعده موت ..
ان شاء الله هالفصل اكيد بيعطونكم اياهم ..

مع السلامة ..

ايه متأخر ..
اذا رحتين أول يوم بتفوتكم محاضرات .. لكن اذا بكرة بتفتكون




ويساعد الجميع ..
الله كريم ..

صلوا على النبي اخي ( حسن مشيمع ) ...
اول يوم .. الدكاترة كل يتلعبون ولا يعطون شي ..
وثاني شي .. محاضراتنا بالاخص .. تدخل لتسجيل حضور فقط ..
اما الفائدة فأنت تجنيها بنفسك
لكن فيه مشكلة .. بخلوني اسعي بين الصفا والمروه .. يارايحة يا جاية ..
بسيطة له ؟..

اللهم صلِّ على محمد وآل محمد ..
إن شاء الله يتعدل وضعكم هالفصل وتصيدون دكاترة زينين ..
ايه بسيطة .. تسووون رياضة

صح له ..

سلام من الله عليكم جميعا ...

بداية ولو ان ردي وايد متأخر "الف الحمد لله على السلامة"

ومثل ما قالوا الاخوان اللي سبقوني في الرد ..هذا بسبب سوء التنظيم في الجامعة ،المكان وايد صغير وما يستوعب الاعداد الكبير ةللطلبة ،خصوصا هاي الكورس لما زادوا طلبة العلوم والأي تي !!!!

شغلة مهمة ،اعتقد ان ادارة الجامعة قاعدة تتغافل عنها ..وهي ان فترة التسجيل المتناحة لكل دفعة غير كافية اطلاقا ، فنلاقي الطلبة لأول يوم دراسي قاعدين يحذفون ويضيفون مواد ...او بالاحرى مو عارفين شنو يضيفون من مواد بسبب التعارض وووو....الخ

لو بنتكلم عن مواضيع التسجيل وقوانين جامعتنا الحبيبة بنألف موسوعة

والله حالة محسوبة علينا جامعة

الله يساعد الجميع في هاي الجامعة